Günün qoroskopu (13.03.2012)

Tarix: 24.12.2024, 16:05

Peşəkar entuziazm canlanır, bir çoxları işdə vacib nailiyyətlər qazanacaq, mürəkkəb məsələləri həll edə biləcək, rəqiblərinə qalib gələcəklər.

Sövdələşmələr və danışıqların aparılması üçün münasib gündür. Uzun müddət ərzində razılaşmaya nail olmayan tərəflər də bu gün ümumi dil tapırlar.
Fiziki iş ancaq fayda gətirir, idmanla məşğul ola, aktiv istirahət edə bilərsiniz. Romantik münasibətlərdə rəqabət güclənir, insanlar qələbə qazanmaq üçün əyri yollardan istifadə etməyə meyylənirlər.

Qoç - Çox ehtiyatlı olun: bu gün zədə almaq riskiniz çox yüksəkdir. Fiziki iş, idmanın ekstremal növlərilə məşğul olmaq bu gün sizə məsləhət görülmür. Maliyyə itkiləriniz mümkündür, pullardan tez əl çəkir, hərəkətlərinizn əhəmiyyəti barədə fikirləşmirsiniz.

Enerjiniz çoxdur, bəzən hətta aqressivsiniz, özünüzdən daha güclü olan rəqibinizlə mübarizəyə girişir, münaqişələr yaradırsınız. Amma bunlardan qaçmaq olardı. Şəxsi həyatınızda problemlər ola bilər. Sevdiyiniz şəxslə aranızda uçurum yaranmağa başlayır, sizsə belə düşünmürdünüz, eləmi? Bu gün dalaşsanız, barışmağınız çox uzun çəkəcək.

Buğa - Gün gözlədiyinizdən daha uğurlu alınır. Xoş sürprizlər mümkündür. Yeni kəşflər edə, peşəkar və şəxsi həyatınızda vacib rol oynayan dəyərli məlumat ala bilərsiniz. İşgüzar əlaqələriniz də sizi sevindirir: onlar daha da möhkəmlənir.

Yaxınlarınızdan aldığınız xəbərlər əhvalınızı xeyli qaldıracaq. Son zamanlar sizi narahat edən bir çox məsələlər, demək olar ki, sizin iştirakınız olmadan həll olunacaq. Axşamı gələcək əyləncələrin, səfərlərin planlaşdırılmasına, yaxud da sadəcə xəyallara dalmağa həsr edə bilərsiniz.

Əkizlər - Bu günü istirahətə həsr edə bilərsiniz, onsuz da işlərinizdə elə bir uğur gözlənilmir. Əvəzində maraqlı görüşlər, əyləncələrə dair qeyri-adi təkliflər sizin diqqətinizi çəkəcək. Öz vərdişlərinizi dəyişə bilərsiniz, amma prinsip və prioritetlərinizə yenidən baxmağınız məsləhət deyil.

Yaşlı insanlarla ünsiyyət üçün münasib gündür, ürəyiniz istəyən məsələləri onlarla müzakirə edə bilərsiniz. Əhvalınız yaxşıdır və bundan sizin ətrafınızdakılar da şaddırlar, siz öz müsbət emosiyalarınızı onlarla həvəslə bölüşürsünüz. Çalışın, xərclərinizi azaldasınız, yaxınlarda daha vacib işlər üçün pullar sizə çox gərəkli olacaq.

Xərçəng - Ümimilikdə pis gün deyil. Həm öz təcrübənizdən, həm başqalarının biliklərindən istifadə edərək mürəkkəb məsələlərin öhdəsindən asanlıqla gəlirsiniz. Başqalarının səhvləri sizə çox şey öyrədir. Yeni bir layihəyə sıfırdan başlamaq olar. Əgər sizdən əvvəl kimsə bu işlə maraqlanmayıbsa, daha yaxşı!

Ünsiyyət üçün asan və xoş gündür. Demək olmaz ki, bu gün sizi taleyüklü tanışlıqlar, yaxud şəxsi həyatınızda ciddi dəyişikliklər gözləyir, amma vaxtınızı gözəl keçirəcəksiniz.

Şir - Məlahətinizdən və insanlarla davranmaq bacarığınızdan istifadə etməklə bu gün böyük uğurlar qazana bilərsiniz. İstənilən hər kəsi özünüzün haqlı olduğunuza inandıraraq öz tərəfinizə çəkə bilərsiniz. Yeri gəlmişkən, bu xüsusiyyət bu günə işgüzar danışıqlar və ya kütləvi çıxışlar planlaşdıran Şirlərin çox işinə yarayacaq.

Günün ikinci yarısı təhsil və dünyagörüşünün artırılması üçün daha uyğundur. Yeni-yeni sahələr sizin diqqətinizi cəlb edir. Bu səbəbdən yaradıcı, yeni macəra axtaran insanlar sizə doğru can atırlar. Odur ki, darıxmağa vaxtınız olmayacaq.

Qız - Sakitliyi qoruyub saxlamaq, hətta üzdən sakit görünmək bu gün mümkün deyil. Hamı sizdən nə isə istəyir. Seçim elə də böyük deyil: ya işlərinizi atıb başqalarının işinə yaramalı olacaqsınız, ya da başınızı aşağı salıb öz işlərinizə diqqət ayırmaqla özünüzə düşmən qazanacaqsınız. İstənilən halda, güvənmədiyiniz insanlara sizin işlərinizə qarışmağa imkan verməyin.

Bu gün öz hərəkətlərinizin mümkün nəticələrini əvvəlcədən hiss edir, həm ağlınızdan və məntiqdən, həm də intuisiyanızdan istifadə edərək hər hansı başlanğıcın necə davam edəcəyini «görürsünüz». Üstəlik, sizin məsləhətləriniz yaxınlarınızı böyük səhvlərdən qurtara bilər.

Tərəzi - Uğursuz gündür, xüsusilə səhər çağı daha ağırdır. Hansısa ideyanı reallaşdırarkən güclü təzyiqlə rastlaşacaq, bəzi insanlarla mübarizə aparmalı olacaqsınız. Əvəzində düşmənləriniz barədə qiymətli məlumat alaraq ondan yerində istifadə edə bilərsiniz.

Yaxınlarınızla münasibətlərdə isə qarşılıqlı anlaşma hökm sürür. Sizin etibar etdiyiniz insanlar sizi yarı yolda qoymayacaqlar. Günün ikinci yarısı baş verən hadisələr sizi həyatınızı yaxşıya doğru dəyişməyə imkan verən qərar qəbul etməyə vadar edəcək.

Əqrəb - Ciddilik, səliqə və məsuliyyət tələb edən çətin və mürəkkəb məsələləri həll etmək üçün münasib gündür. Bu günə hətta hələ tərəfdaş hesab etmədikləriniz insanlarla da ciddi görüş təyin edə bilərsiniz. İnandırmaq qabiliyyətiniz güclüdür, xüsusi təzyiq göstərmədən insanları öz tərəfinizə çəkə bilirsiniz.

İstənilən problemin həllinə konstruktiv yanaşma həm şəxsi, həm də işgüzar həyatınızda çox köməyiniz olacaq. Kənardan elə görünür ki, siz soyuqqanlı və eqoistsiniz, əslində isə məqsədinizi aydın görür və ona doğru gedirsiniz.

Oxatan - Yaxşıca qazanmağa, ciddi əziyyət çəkmədən bir çox problemləri həll etməyə güclü şansınız var. Uğur özü əlinizə keçib, siz də çalışırsınız ki, onu əməlli-başlı tükədənədək qaçırmayasınız. Cəsarətli, qeyri-adi həllərdən, orijinal ideyalardan (hətta onlar sizə məxsus olmasa belə) qorxmayın - məhz onlar sizə yeni-yeni imkanlar yaradacaqlar.

Şəxsi həyatınızda böyük dəyişikliklər mümkündür, yetər ki, siz bunu istəyəsiniz. Sevgi etirafları, hətta nikah təklifi mümkündür. Təşəbbüs yalnız alqışlanır.

Oğlaq - Sizin gücünüz insanlarla yola getmək və onlara nə istədiklərini vəd etmək bacarığıdır. Amma unutmayın ki, verdiyiniz sözləri yerinə yetirməli olacaqsınız və bu heç də gözlədiyiniz kimi asan olmayacaq. İşdə səhv etmək ehtimalınız böyükdür, üstəlik, bu səhvlər nüfuzunuza ciddi xələl gətirə bilər.

Günün ikinci yarısında maliyyə problemi ilə rastlaşa bilərsiniz: sizin planlarınızın reallaşdırılması düşündüyünüzdən daha çox xərc tələb edir. Səfərlər, xüsusilə də əgər sükan arxasındasınızsa, ehtiyat tələb edir.

Dolça - Elə də asan gün deyil: işləriniz, həyəcanlarınız çox, yeni köməkçiləriniz isə həddən artıq az olacaq. Odur ki, köhnə tanışlarınıza bel bağlamalı olacaqsınız. Rəhbərliklə mübahisələr mümkündür, sizin təkliflərinizi əvvəlcə yaxşı qəbul etməyəcəklər, amma sonra lazımınca qiymətləndirəcəklər.

Bahalı əşyalar ala, iri alqı-satqı əməliyyatları həyata keçirə bilərsiniz. Həmçinin sənədlərin hazırlanması prosesi də uğurlu keçəcək. Yaxınlarınızla fikir ayrılıqlarınız elə də güclü olmayacaq.

Balıqlar - Bu gün işgüzar qabiliyyətləriniz elə parlaqlıqla üzə çıxacaq ki, bədxahlarınızı «kor eəcək», həm rəhbərlik, həm də iş ortaqlarınız sizə valeh olacaqlar. Yeni bir işə keçmək, yaxud müstəqil biznes-layihəni həyata keçirmək olar. İşgüzar danışıqlar ehtiyat tələb edir, kimsə sizə çoxlu vədlər verərək sizi tələyə salmağa çalışacaq.

Təəssüf ki, yaxınlarınızla ciddi fikir ayrılıqları ola bilər. Öz nöqteyi-nəzərinizi çox sərt müdafiə edir, lazım olmayan ifadələr işlədirsiniz. Uşaqları, balaca qohumlarınızı küsdürə bilərsiniz.

Teq: qoroskop

Mövzuya Oxşar Xəbərlər: