13 avqustun astroloji proqnozu

Tarix: 19.11.2025, 21:24

QOÇ - Nə qədər çətin olsa da, ixtiyarınızda olan bu təqvimdə neytral olmalısınız. Əks təqdirdə böyük qanqaraçılıq gözlənilir. Ələlxüsus da, pul haqq-hesablarında gözləmə mövqeyi tutun.

BUĞA - Təəssüf ki, avqust ayının ən gərgin gününü yaşaya bilərsiniz. Bu səbəbdən də hətta su içəndə belə, ayıq-sayıqlıq göstərməlisiniz. Əsəblərinizi, həmçinin daxili orqanlarınızı qoruyun.

ƏKİZLƏR - Maliyyə problemlərinin bolluğuna baxmayaraq ulduzlar digər məsələlərdə yardımçınız olacaq. Günün ikinci yarısında isə sevindirici təsadüflərlə rastlaşacaqsınız. Buna hazır olun.

XƏRÇƏNG - Bəxtinizdə mistik bir təqvim durub. Xurafata uymaqdansa müqəddəs ziyarətgahlarımıza baş çəkin. Hər hansı çılğınlıq, risk və lazımsız adamların işlərinə müdaxilələr məsləhət deyil.

ŞİR - Hansısa xoşagəlməzliyi gözləməyə dəyməz. Əksinə, bu proqnozu oxuyan kimi aktivliyinizi artırmalısınız. Saat 15-dən 18-ə qədər bir neçə sürprizlə rastlaşma ehtimalınız böyükdür.

QIZ - Səhhətinizlə bağlı diqqətli olun. Yersiz sıxıntılar heç də xilas yolu deyil. Ailə-sevgi münasibətlərini tənzimləməyə çalışın. Maddi problemlərinizin tezliklə həll olunacağına inanın.

TƏRƏZİ - Nahara qədər ovqatınızda baş qaldıran xoşagəlməzliklər qarşıya qoyduğunuz məqsədlərə yetişməyə mane ola bilər. Odur ki, riskli işlərdən yayının. Sonrakı müddətdə isə dəstək alacağınız mümkündür.

ƏQRƏB - O qədər də uğurlu tarix deyil. Ətrafınızda olanlar əsəblərinizi tarıma çəkməyə çalışacaq. Əgər bu maneələrdən qurtulmaq istəyirsinizsə, təmkin göstərin. "Hirsli başda ağıl olmaz" axı.

OXATAN - Saat 13-15 aralığını nəzərə almasaq, bu təqvimi kifayət qədər xoş ovqatla başa vura biləcəksiniz. Düz yolda olduğunuz üçün mövqeyinizdə bərk dayanın. Amma sərtlik göstərməyin.

OĞLAQ - Adi bir gün yaşamalı olacaqsınız. Hansısa müvəffəqiyyət və ya uğursuzluq gözlənilmir. Yaxşısı budur, başınızı aşağı salıb adi işlərlə məşğul olasınız. Bütün təkliflərdən imtina edin.

SUTÖKƏN - Həddindən ziyadə uğurlu bir gün yaşayacaqsınız. İstər şəxsi büdcənizi artırmaqda, istərsə də qarşılıqlı münasibətlərdə vəziyyət xeyrinizə olacaq. Səfərə çıxmağa dəyər.

BALIQLAR - Nəzərdə tutduğunuz planların ləng inkişafına görə usanmayın. Ən azı ona görə ki, Göy qübbəsi bu gündən etibarən şəxsi işlərinizdə böyük dönüşə yiyələnəcəyinizi bəyan edir.

Teq: Burcler

Mövzuya Oxşar Xəbərlər: