ABŞ boksçusu Toni Tompsonla döyüş iyulun 7-də futbol stadionunda olacaq
Superağır çəkidə WBA, IBF və WBO versiyaları üzrə dünya çempionu
Vladimir Kliçkonun növbəti rəqibi açıqlanıb. Lent.az-ın məlumatına görə,
bu barədə "ESPN”ə Kliçkonun meneceri Şelli Finkel açıqlama verib.
O bildirib ki, müştərisi iyulun 7-də ABŞ boksçusu Toni Tompsonla
vuruşacaq. Tompson İBF (Beynəlxalq Boks Federasiyası) kəmərinə iddia
edir. Qarşılaşma iyulun 7-də İsveçrənin paytaxtı Berndəki futbol
stadionunda baş tutacaq.
Qeyd edək ki, Vladimir Kliçko son döyüşünü martda keçirib. O, fransalı Jan-Mark Mormeki nokauta salıb.