Keçmiş dünya çempionu mətbuat konfransında dava saldı - VİDEO

61,2 kiloqram çəki dərəcəsində WBA versiyası üzrə eks-dünya çempionu amerikalı Brendon Rios aprelin 14-də Los-Ancelesdə dünya çempionu adı uğrunda keçiriləcək görüş ərəfəsində təşkil olunan mətbuat konfransında rəqibi, kubalı Riçard Abrillə əlbəyaxa olub. Qəflətən rəqibinin üzərinə atılan Rios ona yumruqlar endirmək istəyib. Yalnız zaldakıların müdaxiləsindən sonra tərəfləri sakitləşdirmək mümkün olub.

Qeyd edək ki, 25 yaşlı Rios keçirdiyi 30 görüşün 29-da (22-si nokautla) qələbə qazanıb, 1 döyüş heç-heçə başa çatıb. 2011-ci ildə britaniyalı Con Myürreemlə qarşılaşmada qalib gələrək WBA versiyası üzrə dünya çempionu tituluna layiq görülüb. Amma çəki limitiylə bağlı qaydalara əməl edmədiyindən Rios bu addan məhrum edilmişdi.  

Onun rəqibi 29 yaşlı Abril isə keçirdiyi 20 görüşün yalnız 17-də qələbə qazanıb (8 nokaut), 2 dəfə məğlubiyyətə uğrayıb, 1 görüş heç-hüçə başa çatıb.

Forbaku.net