"Adını Feriha Koydum" serialından ayrılmış aktrisa Hazal Kayanın ünvanına sərt ittihamlar səslənib.Milliyet istinadən bildirir ki, həmin serialda çəkilmiş Ayşegül Çidamlının dediyinə görə, deyilənlərin tam əksinə olaraq, Hazal Kaya serialdan öz istəyi ilə ayrılıb. "Hazal yalan danışır. O, uzun müddət seriala nifrətlə yanaşdı, "Bu lənətə gəlmiş serialdan ayrılmaq istəyirəm" deyirdi. Hər gün çəkiliş meydançasında dava salır, ssenarini pisləyirdi. Aktyorluq sənəti ilə bağlı təhsil almadlığı üçün serialda öz həyatını oynadığını sanırdı. Sürəkli ssenariyə baxır, "Mən belə cümlələr qura bilmərəm" deyirdi. 39-cu seriyada yenə getmək istədi, amma pulu artırılan kimi susdu", - Çidamlı deyib.