Bakının bəzi ərazilərində İstanbulda olduğu kimi
nəqliyyat sisteminə metrobusların daxil edilməsi planlaşdırılır. Bu
barədə Lent.aza eksklüziv olaraq hökumətdəki mənbələrdən məlumat
verilib.
Artıq bununla bağlı paytaxt meriyası və müvafiq qurumlar arasında yekdil
fikir mövcud olsa da, metrobusların tətbiqi ilə bağlı texniki məsələlər
hələ ki açıq qalmaqdadır.
İlkin mərhələdə metrobusların Azadlıq meydanı-Nobel prospekti-Zığ yolu,
metronun 28 may stansiyasının yaxınlığından başlamaqla Heydər Əliyev
prospekti ilə Binəyə (hava limanının yaxınlığı), metronun "20 yanvar”
stansiyasının yaxınlığından 3-cü mikrorayon dairəsindən keçməklə,
Dərnəgül yolu ilə metronun "Koroğlu” stansiyasına və Bakıdan Sumqayıta
çəkilməsi müzakirə olunan məsələlər arasındadır.