Xalq artisti Faiq Ağayevin "Facebook”dakı profil
şəkli geniş müzakirə mövzusuna çevrilib. "Facebook” sosial şəbəkəsində
müğənni öz profil şəkilində şəxsiyyət vəsiqəsini yerləşdirib. Lakin,
şəxsiyyət vəsiqəsinin seriya nömrəsinin yerində 100% F.A yazılıb.
Xalq artisti Lent.az-a açıqlamasında sözügedən məsələyə münasibət
bildirib: "Facebook” sosial şəbəkəsində mənim adımdan xeyli saxta profil
yaradılıb. Mən də "Facebook” istifadəçilərinə mənə aid olan həqiqi
profili göstərmək üçün belə bir addım atmışam. Buna görə də, mövcud olan
profilimə şəxsiyyət vəsiqəmin şəkil hissəsini yerləşdirmişəm. Lakin
şəxsiyyət vəsiqəmin seriyasını həmin şəkildə olduğu kimi göstərməmişəm.
Bunun səbəbi də əslində aydın olmalıdır. Dələduzların bundan istifadə
etməməsi, şəxsiyyət vəsiqəmdə seriya nömrəsinin görünməməsi üçün onu bu
şəkildə gizlətməyə çalışmışam. Xalqın mənə verdiyi ləqəbdən istifadə
etməklə, seriyanı gizlətmişəm. Bunu dövlətimizin atributuna hörmətsizlik
kimi qəbul etmək isə savadsızlıq olardı. Hətta şəxsiyyət vəsiqəsi ilə
bağlı reklamlarda belə seriya nömrəsini ulduz işarələri ilə göstərirlər
ki, saxtakarlığa imkan yaranmasın”.