Vəsaitlər: 3 ədəd yumurta 3 yemək qaşığı qatıq 3 yemək qaşığı duru yağ 3 yemək qaşığı kakao Aldığı qədər un 1 su stəkanı nişasta 1 su stəkanı kakao 250 qram marqarin 250 qram kərə yağı
İçi ücün: 300 qram iri doğranmış qoz 1 su stəkanı damla şokolad Şərbəti üçün: 4 su stəkanı su, 4 su stəkanı şəkər tozu, yarım limon suyu
Hazırlanması: Xəmiri
hazırlamaq üçün, yumurta, qatıq, duru yağ və kakaoyu bir qaba qoyub
qarışdırın. Üzərinə az-az un əlavə edərək yumşaq bir xəmir əldə edənə
qədər yoğurun. Xəmiri yarım saat dinləndirin. Daha sonra xəmiri 15
kündəyə ayırın. 1 su stəkanı nişasta və 1 su stəkanı kakaoyu ələyin. Bu
qarışıqdan səpərək hər kündəni soba listindən daha böyük açın. Listi
yağlayın. Marqarin və kərə yağını əridin. Qoz və damla şokoladı
qarışdırın. Açdığınız kündələrdən 3 dənəsini kənara ayırın. Qalan
kündələri dördə bölün. Iki qat olaraq listə sərin. Üzərinə yağ gəzdirin.
Dörd qatdan sonra şokoladlı qozlu ic səpin. Kəsdiyiniz kündələr bitənə
qədər, hər iki qatda bir yağ gəzdirib, dörd qatdan bir də qozlu
qarışıqdan səpin. Ən üstə bütün buraxdığınız üç ədəd xəmiri yerləşdirin.
Qalan yağı üzərinə gəzdirin. Daha sonra paxlavanı arzunuza görə
dilimləyin. 180 °C sobada üzəri qızarana qədər bişirin. Bu vaxt şərbəti
üçün, su və şəkər tozu bir qazana töküb ocağa qoyun. Qaynamağa
başladıqdan sonra limon suyunu əlavə edin. Bir-iki dəq qaynadıb ocaqdan
alın və soyudun. Sobadan aldığınız isti paxlava üzərinə soyuq şərbəti
tökün. Ve budur Şokoladlı paxlavanız hazırdır.