Türkiyə kinosunun tanınmış aktyoru Əkrəm Bora dünyasını dəyişib. İstanbulun Kadıköy rayonundakı Florence Nightingale Xəstəxanasında martın 30-dan bəri müalicə olunan Bora aprelin 1-də saat 13.45-də ağciyər şişi səbəbindən yaşamını itirib. Əkrəm Bora, ürək çatışmazlığı ilə müşayiət olunan ağciyərlərə maye toplanması diaqnozu ilə 20 gün öncə Memorial Xəstəxanasına yerləşdirilmişdi. Burada bir müddət müalicə olunan Bora, daha sonra evə buraxılmışdı. Sənətçinin ölüm xəbəri yayıldıqdan sonra yaxınları və dostları xəstəxanaya axışıb. Başda Türkan Şoray, Kərəm Alışık, Çolpan İlhan olmaqla xeyli sayda dostları onun doğmalarına dəstək olmağa gəliblər. Boranın baldızı olduğunu söyləyən bir qadın isə sənətçinin vəziyyəti ilə kimsənin maraqlanmadığını söyləyib.