İki Hollivud ulduzu Türk filmində bir arada

İki məşhur Hollivud aktyoru – Leonardo Dicaprio ilə Colin Farrellə təklif irəli sürülüb.

"Mərkəz”in məlumatına görə, İrlandiyada 1845-ci ildə yaşanan böyük qıtlıq zamanı Sultan Abdülməcidin bu ölkəyə kömək etməsinin mövzu olaraq lentə alındığı "Famine” adlı filmin türk prodüserləri layihə üçün iki məşhur Hollivud aktyoru Leonardo Dicaprio ilə Colin Farrellə təklif irəli sürülüb.

"Famine” filminin ssenaristi və layihə rəhbəri Ömər Sarıkaya, irlandiyalı rejissor Mark Mahon hekayəyə böyük maraq göstərdiyini ifadə edərək, Maho bu filmin "Titanik” filmindən daha maraqlı olacağını söyləyib.

Ömər Sarıkaya isə "Filmdəki Fatih obrazı üçün Dicaprionu, Patriarx obrazı üçün isə İrlandiya əsilli aktyor Colin Farrelli canlandırmasını düşünürük. Aktorlar layihəyə müsbət baxır. Ancaq razılaşma hələ ki, baş tutmayıb”, -deyə bildirib.

Filmdəki aktyorların yarısının türk, yarısının xarici olacağını bildirən Sarıkaya "Sultan Abdülməcid rolunu Kənan İmirzalıoğlunun canlandırmasını arzu edirik. Ayrıca bu film Türk-İrlandiyanın ortaq işi olacaq. Dənizçi Fatehin böyük eşqi Mary rolunu isə irlandiyalı aktyor Saoirse Ronanın canlandırması düşünülür”,- qeyd edib.