50 yaşlı Cim Kerri 23 yaşlı rus tələbəsi olan Anastasiya Vitkinaya evlilik təklifi etdi. Aktyorun sözlərinə görə bu xanım onun sınmış qəlbini yenidən bərpa etdi.Sən demə Cim bu təklifi artıq bir neçə ay bundan öncə edib. İndi isə cütlük aktiv şəkildə toy hazırlıqları edir. Aktyorun dostlarından biri deyir ki, Kerri Nastyaya dəlicəsinə aşiq olub və onun həyat yoldaşı olmasını səbirsizliklə gözləyir. Ən əsası bu xanımda ulduzu yumor hissi cəlb edib. Deyilənlərə görə, aktyor tələbənin söhbətlərinə qulaq asanda gülməkdən göz yaşı tökür.2010-cu ilin aprel ayında Cim mediaya daha heç vaxt ailə qurmayacağı barədə demişdi. Bu açıqlamanı o, fotomodel və Playboy-un ulduzu olan – Cenni Makkartidən ayrılandan sonra edib. Onlar 5 il bir yerdə yaşayıblar. Amma deyəsən "heç vaxt, heç vaxt demə” prinsipi Keriyə də aid oldu. Bir neçə ay Nastya ilə görüşəndən sonra komediya ustası ona 100 min dollarlıq üzük bağışladı. İndi isə onu miss Kerri etmək niyyətindədir.