Günün qoroskopu (21.05.2012)

Tarix: 20.05.2024, 15:20

Gün emosional fonun qeyri-sabitliyi ilə fərqlənir: çoxları səbəbsiz yerə həyəcan keçirəcək, anlaşılmaz qorxu hissi yaşayacaqlar. Bu, işgüzar aktivliyi azaldır: hər cür qarmaqarışıq fikirlər işə köklənməyə mane olur.

Səhv qərarlar maliyyə itkilərinə səbəb olacaq. Qüvvələri düzgün hesablayıb onları qarşıya qoyulan məqsədlərlə uzlaşdırmaq da asan deyil. Bu gün çoxları bacara bilmədikləri işin yükü altına girirlər. Ailədə münaqişələr mümkündür: uşaqlar və yeniyetmələrlə dil tapmaq olmur.

Qoç - Mürəkkəb gündür. Narahat olmaq çün müxtəlif səbəblər yaranıb, bunlara dözməyə isə nə səbriniz var, nə də gücünüz. Sizin üçün xarakterik olmasa da, tez təslim olursunuz, bu səbəbdən uğurlarınız da böyük deyil. Sövdələşmələriniz faydasız ola bilər.

Başqalarına təsir göstərmək imkanlarınız bu gün məhduddur, onları haqlı olduğunuza inandıra, öz nöqteyi-nəzərinizi müdafiə edə bilmirsiniz. Sizi dinləmək istəməyənlərdən küsməyin, öz fikrinizdə qalın, tezliklə onu dilə gətirmək üçün imkan yaranacaq.

Buğa - Çətin olsa da, günün nəticələri sizi sevindirəcək. İşdəki problemlərin öhdəsindən gələcəksiniz, yaranan şəraitin birmənalı olmamasına rəğmən, düzgün qərar verəcəksiniz.

Günün birinci yarısı enerjiniz daha çoxdur, axşama planlar qurarkən bunu nəzərə alın. Səfərə çıxmalısınızsa, günortayadək yola düşün. Axşam pul ala bilərsiniz. Amma elə günün bu vaxtı xərcə də düşə bilərsiniz.

Əkizlər - Maraqsız və perspektivsiz işlərlə məşğul olmalısınız. Bir çox Əkizlər bərabər olmayan döyüşə girməli olacaqlar. Güclü rəqiblə mübarizədən qalib ayrılmaq olar, amma bunun üçün xeyli güc sərf etməlisiniz.

Yaxınlarınızla ünsiyyət üçün əla gündür. Sevdiklərinizlə asan dil tapır, güzəştə gedirsiniz. Maraqlı görüşlər mümkündür, amma yeni tanışlarınız barədə düzgün rəy tərtib etmək hələ sizin üçün çətindir. Bir qədər sonra onlardan kimisə qiymətləndirmədiyiniz qənaətinə gələcəksiniz.

Xərçəng - Yeni bir işə başlamaq üçün yaxşı gündür. Amma bir məqamı unutmayın: əgər ehtiyatlı və diqqətli olmasanız, çətin ki, nəyəsə nail olasınız. Lazım olmayan insanlara etibar edirsiniz. Öz planlarınız və sirləriniz barədə kimsəyə bir söz deməyin, yoxsa sonra bu cür ürəyiaçıqlığınıza görə peşman olarsınız.

Bu gün tez aşiq olursunuz, hətta yaraşıqlı bir insan gördükdə ağlınızı da itirə bilərsiniz. Əlbəttə, bu elə də pis deyil, amma yadınıza salın: siz məsuliyyəti və əvvəllər verdiyiniz vədləri unutmursunuz ki? Günün ikinci yarısı gərəksiz xərclər mümkündür.

Şir - Çalışın, risk etməyəsiniz. Bu gün mürəkkəb, təhlükəli situasiya yaranarsa, onun nəticəsi sizin üçün acınacaqlı ola bilər. Problemlərin həllində yoxlanılmış metodlardan, etibarlı üsullardan istifadə edin. Uzaq səfərlərə çıxmaq, tanış olmayan yerlərdə istirahət etmək məsləhət deyil. Yeni tanışlarınıza qarşı diqqətli olun.

Həm işgüzar, həm şəxsi xarakterli maraqlı təkliflər almağınız mümkündür. Bu gün hər şeyə optimist nəzərlərlə baxırsınız, amma bu nikbinliyiniz heç də həmişə özünü doğrultmur: öz gücünüzü və başqalarının imkanlarını düzgün hesablamırsınız.

Qız - İşgüzar aktivlik artır. İşdə müxtəlif problemlərin həllinə nail olursunuz. Vəzifənizin və gəlirlərinizin artırılmasına ümid edə bilərsiniz. Sərfəli sövdələşmələr, maraqlı kommersiya təklifləri almağınız mümkündür. Öz biznesinizi yaratmaq, aksiya və digər qiymətli kağızlar almaq üçün yaxşı gündür.

İş ortaqlarınızı, həmçinin şəxsi münasibət quracağınız insanları diqqətlə seçin. İntuisiyanızın səsinə qulaq asın, o, sizi mümkün səhvlərdən çəkindirəcək.

Tərəzi - Xeyli suala cavab tapmalısınız. Bu proses çox maraqlı və eyni zamanda ibrətamiz olacaq. Siz çox dəyərli təcrübə qazanacaqsınız. Bu gün öyrəndikləriniz tezliklə gərəyiniz olacaq.

Öz təcrübənizlə bölüşün, yaxşı məsləhətlər verin. Uşaqlarla iş, pedaqoji fəaliyyət üçün münasib gündür. Hətta heç ehtiyac duymayan insanlara - məsələn, dostlarınıza, qohumlarınıza, sevdiyiniz adama da nəyisə öyrətməyə çalışırsınız. Bu isə inanın ki, onlara elə də xoş deyil.

Əqrəb - Əvvəlcədən planlaşdırdığınız işləri görməyə çalışın. Yeni planları isə hələlik təxirə salın. Onlar sizə maraqlı, sərfəli və asan görünsə də, belə deyil. Rəhbərliklə mübahisələr mümkündür: deyişmədən qalib çıxmağınız mümkündür, amma uduzan tərəf bunu heç zaman unutmayacaq, əvəzini çıxmağa çalışacaq.

Yaşlı qohumlarınızla ünsiyyətdə səbrli və təmkinli olun: bu gün tez özünüzdən çıxır, emosiyalarınızı cilovlaya bilmirsiniz. Günün ikinci yarısı səhhətiniz pisləşə, xroniki xəstəlikləriniz güclənə bilər. Fiziki işləri azaldın.

Oxatan - Xeyli işiniz çıxacaq, bunların bəzisi isə heç xoşunuza gəlməyəcək. Bir çox Oxatanlar hiss edirlər ki, öz bacarıqları və istedadlarına uyğun gəlməyən işlərlə məşğuldurlar, bu səbəbdən də əhvalları korlanır. Fikrinizi yayındırmaq, başınızı daha maraqlı bir işlə qatmaq istəyi güclüdür, amma bilirsiniz ki, bunun heç bir faydası olmayacaq.

İmicinizlə eksperimentlər etməyin. Sizin stilinizə uyğun gəlməyən geyim, kosmetika, ətir almağınız da məsləhət deyil. Yaşayış yerinizdə isə dəyişikliklər edə bilərsiniz: interyer üçün qeyri-adi, ekzotik əşyalar alın.

Dolça - Sizə xas olmayan ehtiyatsızlıqla qərarlar verirsiniz. Nəticədə elə səhvlər edirsiniz ki, onları aradan qaldırmaq üçün sonra xeyli güc və vaxt tələb olunacaq. Az məbləğdə pul almaq ehtimalınız var. Alış-verişlə bağlı planlarınızı təxirə salmalı olacaqsınız.

Vaxtilə məhsuldar əməkdaşlıq etdiyiniz insanlardan maraqlı iş təklifləri alacaqsınız. Qohumlarınız narahatlığınıza səbəb olacaqlar. Bəzi Dolçalar ailə münaqişələrini yoluna qoymaqla məşğul olacaqlar.

Balıqlar - Enerjinizin azlığından şikayət etməyə haqqınız yoxdur. Üstəlik, enerjiniz o qədər çoxdur ki, onu düzgün istiqamətə yönəldə bilmirsiniz. Bəzən düşünülməmiş hərəkətlər edir, sizin üçün dəyərli olanları vurub dağıdırsınız. Rəyi sizin üçün qiymətli olan insanla aranızda fikir ayrılığı yarana bilər.

Zəhərlənmə, qida allergiyası ehtimalı yüksəkdir. Mətbəxdə eksperimentlər etmək, şübhəli ictimai iaşə obyektlərinə getmək məsləhət deyil. Bu gün səbrsizsiniz, bu, uşaqlar və yaşlı nəslin nümayəndələri ilə dil tapmağınıza mane olur.

Teq: Burcler

Mövzuya Oxşar Xəbərlər: