İtaliyanın "Ferrari" şirkəti indiyədək istehsal etdiyi ən güclü, ən sürətli avtomobilini təqdim edib. "F12 Berlinetta" adlı yeni model "599 GTB Fiorano"nun xələfidir.
Yeni avtomobilin 12 silindrli, 6,3 litr həcmli
atmosfer mühərriki var. 740 at gücündə olan mühərrik "Ferrari FF"
modelindəki mühərrikin gücləndirilmiş versiyasıdır. "F12 Berlinetta"nın maksimal fırlanma anı 690 Nm-dir.
7-pilləli sürətlər qutusuna malik avtomobil 100 km/saat sürəti 3,1
saniyəyə əldə edir, 200 km/saat sürətə isə cəmi 8,5 saniyədə çatır. "Ferrari" mənsublarının dediklərinə görə, yeni modelin maksimal sürəti 340 km/saatdır. Maşın Fiaoranodakı trekin bir dövrəsini 1 dəqiqə 23 saniyəyə qət edir.