Avstriyanın paytaxtı Vyanada ölkənin ən böyük avtomobil sərgisi "Hinglings 2012" öz işinə başlayıb. Bu il 6-cı dəfədir keçirilən sərgidə BMW, Volvo, Mercedes, Toyota kimi avtomobil nəhəngləri də daxil olmaqla, 40 beynəlxalq marka və 400 yeni avtomobil modeli təmsil olunur. Yeni modellər 20 min kvadrat metrlik sərgi salonunda bir-birindən rəngarəng şoularla təqdim edilir. Sərgidə avtomobillərlə yanaşı, səs texnologiyaları, yol naviqasiyaları və bir çox aksessuarlar da satışa çıxarılıb. 3 gün davam edəcək sərginin ilk günündə bura 1 milyondan çox adamın baş çəkəcəyi gözlənilir. Hər il sərgidə aparılan anket sorğusu göstərir ki, bura gələn hər 3 nəfərdən biri özünə yeni avtomobil almaq niyyəti ilə gəlir. Bu il alıcıların diqqət mərkəzində "Bugatti Veyron Grand Sport" avtomobili olub. Saatda 407 kilometr sürətlə hərəkət etmək qabiliyyətinə malik olan bu avtomobilin qiyməti nə az-nə çox, düz 2,2 milyon avrodur.